هلا والله بروايح العود و الطيب و العنبر .. ما شاء الله الروايح الحلوه واصلة عند باب المنتدى
كيفكم حبيباتي الذويقات ؟؟
اليوم بوريكم مجموعاتي العطرية إلي استخدمها يومياً في الاستحمام و بنفس الوقت بتكلم طريقتي في تعطير جسمي اليومية .. ان شاء الله الكل يستفيد .. رغم بساطة طريقتي .. بس والله مرررة مرتاحة من ريحتي و الحمدلله ياااارب زوجي مبسوووط حييييل و دايم يقولي ريحتك روووووعه و كل يوم تتغير .. يعني ما احب تكون ريحتي نفسها كل يوم احب اغير ..
عشان كذا يوم عن يوم استخدم مجموعة عطرية بريحة ثانية ..
اول شي هذولي مجموعاتي العطرية إلي استخدمهم حالياً .. كل وحدة فيها شاور جل - بودي سبراي - بودرة جسم - و لوشن للجسم -و بعضها مزيل رائحة العرق او عطر ..
المجموعة الاولى .. من نكتار ( bride) برائحة الفانيلا ..
المجموعة ناقص منها الشاور جل كان فيه شوي و رميته ونسيت اصوره قبل
رائحة خفيفة و مرررة حلوه .. لاني الشاور جل و البودي سبراي شريتهم مركزين طبعاً ازيد حوالي 100 ريال عشان التركيز .. يحطون لي زيت عطري معاهم .. صحيح في البداية استكثرت السعر .. بس لما جرببببببببببتها صدق رائحة ثااااااااابتة و خفيفة للصبح ..
المجموعة الثانية .. من نكتار بعد رائحة الفراولة ..
خطييييييييييرة عجبت زوجي اكثر مني .. بس ما كانت مركزة مرة لانها جتني هدية مو انا اشتريتها .. بس بعد حلووووه .. و استخدمها بين يوم و يوم ..
المجموعة الثالثة .. من زهور الريف برائحة الفانيلا بعد -->> اموت على الفانيلا
صحيح نفس المجموعة إلي من نكتار برائحة الفانيلا .. بس لما تمشينهم غييير عن بعض حيييل .. كل وحدة لها رائحة تمزيها عن الثانية ..
هذولي المجموعات الثالثة إلي استخدمهم حالياً .. عندي غيرهم جدد ما استخدمتهم بعد هدايا
طريقتي في تعطير جسمي اليومية :
كل يوم اختار لي وحدة من المجموعات إلي فوق .. و استخدم الشاور جل و استحم فيه .. و بعدين بعد ما اطلع من الشاور .. احط مزيل العرق و احط بودرة الجسم على منطقة الصدر و الابطين و الرقبة .. و بعدين اخذ اللوشن و ادهن فيه جسمي كللللللله بما فيه المنطقة الحساسة .. لان اللوشن مرررة يثبت الريحة .. و بعدين ابخ البودي سبراي على كل جسمي ..
مرات إذا ابي رائحة قووووية استخدم الشاور جل و اللوشن و العطر تبع نفس ماركة العطر ..
مثل بربري ..
يعني احب اغيييير برائحة العطووور و المجموعات إلي استخدمهم ..
بعدين بعد ما اخلص .. اجيب الدهن العود .. و استخدم من ( الماجد للعطور)..
و احط لي كم نقطة تحت اذوووني و عند مناطق النبض .. و بين فخذوي قريب جنب المنطقة الحساسة و من الخلف و بكل مكان و بعدين احط خمرية على شعري .. و هالخمرية جابتها لي امي الله يحفظها من معرض ..
و بعدين اجيب البخور و ابخر جسمي كلللللللللللله ...
و واااااااااااااااااااااااااو الريحة والله تظظظظظظظل بشكل .. ما شاء الله .. و الحمدلله مرة مرتاحة و الطريقة ترى ما تاخذ وقت إذا تعودتي تسوينها كل يوووووم .. بس تظل رائحة الجسم خطييييرة ..
و فيه طريقة اسويها لما ابي ريحتي تصير ريحة بيبي .. يعني كتغيير ..
استخدم هذي الاشياء من جونسن اند جونسن للاطفال..
سائل الاستحمام ما قبل النوم .. اول ما اشتريته بشرت مكعبة من مسك القرشي .. و خلطته معاه و رجعت بنفس العلبة .. عشان إذا بغيت اتروش يكون قدامي وما اتعيجز اسوي خلطة كل يوم .. استحم فيه
و بعدين لما اطلع من الشاور .. احط اللوشن او زيت الاطفال .. مرررررة خطيييييييرة و يخلي الجسم ناااعم و يلمع
و إذل عندي بودرة الجسم بعد احطها .. و تطلع ريحتي مثل البيبي حلوه كتغيير ..
بعدين ممكن اتعطر من اي عطر احبه ..
وووووووووووووووووووووبس
ان شاء الله اكون افدتكم كلكم .. و إلي عندها اي سؤال لا تستحي
و بليزززز بنات .. ما احلل اي وحدة تنقل الموضوع لانه مجهوووود شخصي و صور شخصية !! و يكفيني اقول اني " ما احللها "..
و حبيباتي .. إلي يعجبها موضوعي .. لا تحرمني من التقييم .. التقييم .. إذا كنت استحقه ..
Lilyan